انا مصــــــــــــــــــــــــــرى

أنا مصري
ولو كمموا صوتي يوم واتخرست
أو زادوا العقارب فيكي واتقرصت
بحبك يام البلاد والكون
لا عمري زعلت منك ولا حتي اتقمصت
وأنا مصري
حبيت الطمي في نيلك
ومهما الغربة خادتني
حلمي إني آجيلك
ولو ف يوم ماقدرتش
قلبي وعمري أهديلك
وانا مصري ويحلالي
أقولها ف النهار والليل
وحبك مش مقياس ولا كيل
ده زرع جذوره في قلبي
وشايلك جوه عيني شيل
أنا مصري
ونفسي يا مصر
أكحل عيني بترابك
ولما آجي
ما يحوشني العس علي بابك
وأحكيلك
وأشكي الهم
وأقولك أنا درويش
مضموم لزمرة أحبابك
وف نيلك أغسل رجس الترحال
وغربة عمر
وهجرة ما كانت ع البال
وأبوس إيدك
ولا اسيبك
[center][b]

بسم الله الرحمن الرحيم الاول اشكرك يااستاذ سالم على هذا الكلام فأنت رجل مثقف جدا جدا جدا بصراحه كلام حنين صحيح

بالمناسبة عندى شعر بس للاسف مش من تاليفى ده تاليف الشاعر جمال درويش
انا مصر
انا مصروهافضل انا مصر
وتاريخى فى الاقصر ع الصخر
والعالم شاهد على اصلى
والناكر يشرب م البحر
وانا مصر وهافضل انا مصر
انا مصر صاحية مش نايمة
للشر الراقد فى العتمة
واللى يتامر فى الزحمة يستاهل عمره يكون مهر
وانا مصر وهافضل انا مصر
انا مصر وليا ميت باب فتحاها لكل الاحباب
وان حد فى حقى يوم عاب مايعيش من الظهر للعصر
وانا مصر وهافضل انا مصر
انا مصر وعلمى مرفوع بادين اولادى ومصنوع
من قطن يتحدى قلوع
وبصدر وانا كلى فخر
وانا مصر وهافضل انا مصر
انا مصر وخيرى عالكل
محسودة لمكانتى الفل
والعالم لاثارى يطل
ويقولى يا ريتنى من مصر
وانا مصروهافضل انا مصر